تفعيل المنتدى لكل القنوات في اليوتيوب
ازيكم يا أصحابي وأهلا بيكم في موضوع جديد على قناة و موقع اشرحلي ويب
و هنتعرف النهاردة على تحديث كويس جدا للقنوات الجديدة والقنوات اللي اقل من 500 مشترك
و هي ميزة تفعيل المنتدى وطبعا المنتدى من اهم الحاجات اللي بتساعد قناتك وبتخليك متواصل دائما مع المشتركين اللي عندك
وتقدر من خلاله تضيف بوستات او تشارك فيديوهات قديمه عندك طبعا طريقة استخدام المنتدى هنتعرف عليها في موضوع ثاني ان شاء الله وازاي نقدر ننشر عليه
وطبعا قسم المنتدى كان في البدايه بيتفعل بعد وصول القناة ل 1000 مشترك ولكن من فتره مش بعيده قوي اليوتيوب نزل تحديث بأن شروط تفعيل المنتدى هتكون من 500 مشترك
ولكن من خمس او ست ايام نزل تحديث جديد اليوتيوب بإن شروط تفعيل المنتدى هتكون متاحه لكل القنوات ولكن هنا طالبين شرط واحد فقط لتفعيل المنتدى عندك
وطبعا التحديث ده بيتم تطبيقه خطوة خطوه ومش هيظهر على كل القنوات اللي مش مفعل عليها المنتدى مره واحده
علشان نبدأ نتعرف على كيفية تفعيلها وايه هي الشروط اللي لازم تتوفر عندك علشان تفاعل الجسم منتدى خلونا نبدأ في فيديو النهارده
الشروط الجديدة لتفعيل المنتدى
اهلا بك من جديد اول حاجة نبدا ندخل على منتدى اليوتيوب من هنا https://support.google.com/youtube/thread/183972086
واللي بتقول لك التالي :-
يسرّنا الإعلان عن إتاحة علامة التبويب \”المنتدى\” للمزيد من القنوات. لقد أصبح الآن بإمكان أي قناة تم تفعيل الميزات المتقدّمة فيها استخدام علامة التبويب \”المنتدى\”
ما هي الميزات المتقدمة
طيب ما هي الميزات المتقدمة وكيفية تفعيلها ،
الميزات المتقدمة عبارة عن اثبات الهويه الخاصه بصاحب القناة ويوجد ثلاثه طرق لتفعيلها كما بالتالي :-
يمكنك تفعيل الميزات المتقدّمة من خلال إثبات هويتك عبر الفيديو أو مستند تعريف الهوية أو من خلال إنشاء سجلّ نشاط في القناة.
من خلال الذهاب الى استوديو منشئي المحتوى يوتيوب الخاص بك قناتك ثم الذهاب الى اعدادات ومنها الى القناه ثم إلى الاهليه لاستخدام الميزات
سوف تجد ثلاث ميزات
اولا الميزات العادية و سوف تجدها مفعله تلقائيا بعد انشاء القناه
ثانيا الميزات المتوسطة المستوى سوف تجدها مفاعلة
وان لم تجدها مفعله يبقى انت لم تثبت ملكية قناتك برقم الهاتف يمكنك التعرف على جميع الميزات من هنا
ثالثا الميزات المتقدمة ودي اللي تهمنا في موضوع النهارده فإن وجدتها مفعله في ان شاء الله خلال عدة ايام سوف يظهر قسم المنتدى تلقائي
وان لم تجدها مفعلة فلديك ثلاثه طرق لتفعيلها وهي إثبات هويتك عبر الفيديو أو مستند تعريف الهوية أو من خلال إنشاء سجلّ نشاط في القناة.
طبعا اغلب القنوات تستخدم الطريقه الثالثه وهي عن طريق إنشاء سجل نشاط في القناه
ودا بيظهر عن طريق انك تستمر في نشر الفيديوهات لمدة شهرين متواصلين أو بعد شهرين من انشاء القناة
وان شاء الله هنعمل موضوع ثاني كيفية استخدام المنتدى
ما هي اهميه قسم المنتدى
فان قسم المنتدى من اهم الاقسام في القناة وكل القنوات الكبيرة بتستخدمه
ولو انت كمان عرفت تستخدمه وتستغله صح هيساعد في تطوير القناه بتاعتك بشكل كبير
وان شاء الله في حلقة ثانية هنتعلم ازاي نقدر نستخدم منتدى اليوتيوب
شاهد الفيديو لمزيد من المعلومات
النهاية
فده كان موضوع سريع عن كيفية تفعيل المنتدى لكل القنوات في اليوتيوب
فلو حصل معاك اي مشكلة او كان عندك اي استفسار عن موضوع النهارده اكتب ده في التعليقات
وفي النهاية بشكرك يا غالي انك متابع معايا لحد دلوقتي
فماتنساش اللايك والشير الجميل منك وانتظرني في الموضوع الجاي سلام
