كتابة تنسيق محتوى المقالة علي الووردبريس وجعلها متوافقة مع شروط السيو
اهلا وسهلا بيك في موضوع جديد على قناة و موقع أشرح لي ويب
وهنتعرف في موضوع النهاردة على كيفية كتابة و تنسيق محتوى المقالة علي الووردبريس وجعلها متوافقة مع شروط السيو
و طبعا بعد ما انت عملت إعداد للموقع بتاعك وخليته جاهز لنشر المواضيع هتبدأ انك تكتب اول مقال عندك في الموقع
وطبعا لو انت كنت ناشر مواضيع عندك على الموقع هعلمك ازاي تقدر تنسق الموضوع بطريقة صحيحة
ويكون المقال متوافق مع شروط السيو وتقدر تتصدر بيه نتائج البحث
وكمان هنتعرف على أهم الأدوات المتاحة في كتابه المقال على الووردبريس
تثبيت إضافة Yoast SEO
قبل البدء في معرفة كتابة المقالة تقوم بتثبيت إضافة يوست سيو فتقوم بالذهاب الى تبويب اضافات ومنها اختار أضف جديد
ثم قم بالبحث عن Yoast Seo وقم بتثبيت الاضافة ثم تفعيلها
وطبعا احنا شرحناها قبل كده اثناء اثبات ملكية الموقع في أدوات مشرفي المواقع
كيفية إنشاء مقالة جديدة
تقوم بالذهاب الى تبويب مقالات ومنها تختار أضف جديدا
سوف تفتح معك نافذة إنشاء المقالة وتتكون من ثلاثة أجزاء
الجزء الاول على اليمين من فوق وهو خاص بكتابة عنوان و محتوى المقال
أما الجزء الثاني على اليسار وهو خاص بضبط الاعدادات العامه على المقالة و اعدادات كل مكون أو عنصر بتقوم باضافته في جزء محتوى المقال
والجزء الثالث على اليمين اسفل محتوى المقال يوجد به بعض الإعدادات الإضافية الخاصة بالقالب اللي انت بتستخدمه
وتختلف من قالب للتاني وتوجد به اضافة يوست سيو التي قمت باضافتها للموقع
كيفية كتابة المقال
طبعا في ناس مش بتعرف تكتب موضوع وده هيكون صعب ليهم انهم يبدأوا يكتبوا مقالة من تعبيرهم هما
فان شاء الله في موضوع اللي جاي هعرفك ازاى تقدر تكتب مقالة من نفسك واي هي افضل الادوات اللي ممكن تساعدك اثناء الكتابه وتخليك سريع
بس احنا النهارده هنتعرف على كيفية تنسيق المقالة بعد كتابتها
إضافة عنوان
واول حاجه لازم تعملها انك تبدأ تضيف عنوان للموضوع اللي بتكتب عنه
وطبعا العنوان ده لازم يكون جذاب وفي نفس الوقت يكون بسيط ويدل على الموضوع اللي بتكتب عنه
ولازم يكون في العنوان كلمة مفتاحية تدل على الموضوع يمكنك الحصول على بعض الكلمات المفتاحية التي يبحث عنها أغلب الزوار من موقع الكلمات المفتاحيه هذا
وطبعا سمك خط العنوان التلقائي هو H1 ولا يمكنك التعديل عليه وطبعا اي عنوان فرعي او ثانوي تحت عنوان الموضوع يكون بين H2 الى H6
تنسيق محتوى المقال
ولكتابه محتوى المقال تقوم بالضغط علي اكتب/لاختيار مكون
وطبعا ان قمت بالكتابة تلقائي سوف تكتب فقرة عاديه وان قمت باختيار بالضغط على اضافة مكون تستطيع إضافة باقي العناصر الأخرى
ولمعرفة كيفية تنسيق الموضوع بعد كتابته شاهد الفيديو التالي لمشاهدة الشرح بالكامل
شاهد الفيديو لمزيد من المعلومات
النهاية
فده كان موضوع سريع عن كيفية تنسيق محتوى المقالة علي الووردبريس وجعلها متوافقة مع شروط السيو
فلو حصل معاك اي مشكلة او كان عندك اي استفسار عن موضوع النهارده اكتب ده في التعليقات
وفي النهاية بشكرك يا غالي انك متابع معايا لحد دلوقتي
فماتنساش اللايك والشير الجميل منك وانتظرني في الموضوع الجاي سلام
