شرح لوحة تحكم الخاصة بموقع بلوجر

شرح لوحة تحكم الخاصة بموقع بلوجر

ازيكم يا أصحابي واهلا بيكم في موضوع جديد على قناة وموقع اشرحلى ويب

وهنتعرف في موضوع اليوم من كورس انشاء موقع على الويب على لوحة تحكم موقع بلوجر

وقبل مانبدأ في موضوع النهاردة أنا بعتذر كتير عن انقطاعي الفترة الطويلة دى ودا بسبب انشغالى بالدراسة وأن شاء الله هنبدأ نستمر في نشر المواضيع من تاني

شرح لوحة التحكم في بلوجر 

نيجى بقى علشان نتعرف على لوحة التحكم الخاصة بالموقع بتاعنا 

1ـ من السهم » دا تقدر تبدل من المدونات الخاصة بيك لو عندك اكتر من مدونة 

2-من تبويب مشاركة جديدة » تقدر تنشأ مقاله او موضوع جديد 

3- من تبويب المشاركات » هتلاقي كل المقالات والمواضيع الخاصه بيك وتقدر تعدل عليها وتعملها نشر او تخليها مسودة غير منشورة 

4- من تبويب الاحصاءات » هتقدر تعرف عدد الزوار والمتابعين في مدونتك

 5- من تبويب التعليقات » هتقدر تعرف مين اللي عمل تعليق على المواضيع الخاصة بيك وممكن تحذفها 

6- من تبويب الارباح » تقدر تعرف الأرباح التقديرية في الموقع بعد تفعل الربح عليه ولكن يفضل معرفتها من موقع الربح نفس زی ادسنس مثلا 

أو اي موقع آخر للربح وطبعا اللي انت رابط الموقع بيه

 7- من تبويب الصفحات » هتقدر تعمل وتنشئ صفحات ثابته في الموقع مثل اتفاقية الاستخدام ومن نحن و اتصل بنا وسياسة الخصوصية وبعض الصفحات الإضافية

8-من تيوب التنسيق » هتقدر تتحكم في اعدادات القالب اللي بتستخدمه على موقعك 9- من تبويب المظهر  من هنا تقدر تغير القالب الخاص بيك سواء كان قالب موجود على الموقع او انت جايبه من موقع خارجی 

10- من تبويب الاعدادات » هتقدر تعدل على اعدادات الموقع زي اسم والوصف واللغة واضافة مشرفين معاك كمان 

وفي حاجات ت تانيه كتر هنتعرف عليها في مواضيع قادمة 

11- من تبويب قائمة القراءة  » لو انت مشترك في مدونات اخري هتلاقي هنا  بعض المقالات الخاصة بيها 

12-من تبويب عرض المدونه » تقدر تعرض الموقع بتاعك زي ما بيظهر للزوار

شاهد الفيديو

النهاية

في النهاية بشكر كل واحد لسا مستمر معانا في المتابعة

ولو عندك اى استفسار في موضوع النهاردة واي موضوع تاني فلا تتردد في كتابته في التعليقات 

وكمان لو عايز شرح في اى كورس معين في اي موقع على الويب ممكن تكتبه كمان انتظرونا مواضيع قادمة