انشاء موقع بلوجر | التسجيل في منصة بلوجر
المقدمة
اهلا وسهلا بيك في موضوع جديد على قناة و موقع أشرح لي ويب
سنتعرف في موضوع اليوم من كورس انشاء موقع على الويب
علي كيفية التسجيل في منصة بلوجر والبدء في إنشاء الموقع الخاص بينا
وموضوع النهارده هو موضوع عام على جميع انواع المواقع سواء كنت هتنشئ موقع تدوين
او موقع كوره او موقع افلام او متجر الكتروني او موقع اخباري أو أي موقع مهما كان لازم تسجل في بلوجر
وطبعا تقدر تسجل في منصة بلوجر بشكل مجاني
وكمان انت اللى هتختار ان كنت هتكمل بالنطاق او الدومين اللي بتمنحه ليك منصة بلوجر
او هتجيب دومين خارجي سواء كان مدفوع او مجاني
وطبعا انا مش هعمل فيديو عن كيفية الحصول على الدومين دا
لان عندي اكثر من دومين غير مستخدم وهنكمل باقي الكورس بيهم
بس انت لو ملقتش طريقه كويسه على الانترنت اكتبولي في التعليقات
وهعملك فيديو بالموضوع ده
ولكن قبل ما نبدا ما تنساش تعمل لايك و شير للموضوع
وعلشان مطولش عليك تابع معي الشرح التالي
تسجيل الدخول من الموبايل والكمبيوتر
اهلا بيك من جديد واول حاجة لازم يكون عندك حساب جميل علشان تقدر
تنشئ موقع علي بلوجر
فلو معندكش حساب ممكن تنشئ حساب جميل وكمان ازاي تأمنه من السرقة من هنا
وتبدأ تسجل الايميل الخاص بك في المتصفح
بعد كده تبحث عن بلوجر سواء بالعربي او بالانجليزي
ولو بتستخدم جهاز موبايل مافيش اي مشكله خالص
اضغط على الثلاث نقاط الموجودة أعلى يسار الشاشة
ثم تفعل المربع امام كلمه الموقع الالكتروني المختصر
وتابع معى الشرح اللي هشرحه على الكمبيوتر
ثم الضغط علي انشئ مدونتك
تظهر لك صفحة اخري ثم تختار الحساب الايميل الذي سوف تقوم بانشاء المدونة عليه
واذا لم يكن لديك حساب يمكنك انشاء حساب ايميل من هنا
تظهر لك صفحة اخري تقوم بادخل اسم المدونة الذي تريده ولكن اختار اسم للمدونة غير موجود ويكون فريد من نوعه ثم تضغط علي التالي
ثم تضع عنوان URL الذي سوف يكون خاص بك ويكون غير مكرر ايضا ثم تضغط علي التالي
ثم تضع الاسم الذي سوف تنشره مع المدونة اي اسم الكاتب الذي تريده ثم تضغط علي انهاء
تظهر لك نافذة التحكم الخاضة ببلوجر وبكدا تكون قد انشات مدونة علي بلوجر ويمكن عرض المدونة من خلال القائمة علي جهة اليمين وتبحث عن عرض المدونة
شاهد الفيديو
كده يكون عرفنا مع بعض ازاي نقدر نسجل في بلوجر وننشئ الموقع بتاعنا
فلو محتاج تسأل عن حاجة معينة في موضوع اليوم
او لو محتاج اقدم لك شرح عن كورس في موقع معين
ممكن تكتب اللي انت عايزه في التعليقات اسفل الموضوع ده
وان شاء الله هرد عليك في اسرع وقت ممكن
وبكده يكون انتهى موضوع اليوم
واشكرك للمتابعه الي النهايه والى اللقاء
