الربح من بلوجر | كيفية شراء Domain للمدونة من موقع جودادي
اهلا وسهلا بيك في موضوع جديد على قناة و موقع أشرح لي ويب
موضوع مقالة النهاردة وهو كيفية شراء دومين
فمقالة النهاردة إن شاء الله هي تقريبا المقالة الرابعة من مجموعة المقالات والدروس الخاصة بدورة انشاء موقع .
من خلال موضوع النهاردة هنتعرف إن شاء الله ازاي تشتري دومين مدفوع
نرجع ليه موضوع مقالة النهاردة وهو كيفية شراء Domain لي المدونة
ولكن برده المفروض قبل ما ادخل على طريقة الشراء لازم الاول نعرف الناس يعني ايه دومين وإيه فائدتة للموقع
وهل لازم يكون عندي دومين مدفوع على المدونة ولا ينفع ان انا اشتغل في الدومين المجاني كل الحاجات دي المفروض إن أنت تعرفها في البداية. فشاهد هذا الموضوع
مشكلات Domain المجاني؟
طيب انا ليه بقدملك المقالة دي او انا ليه بشرحلك المقالة دي طالما ان انت ممكن تشتغل بى الدومين المجاني.
لاني باختصار شديد لو انت اشتغلت بى الدمين المجاني فتره مثلا شهراو اثنين او ثلاثه ايا كان
وبعد كده حبيت انك تشتري دومين مدفوع او في حال ان انت هتشتري دومين مدفوع يبقى انت هتعيد كل اللي انت عملته من الاول وجديد يعني ايه.
يعني في المقالة اللي فاتت احنا شفنا ازاي بنثبت ملكية المدونة بتاعتنا طبعا احنا اثبتنا ملكية المدونة بالدومين المجاني اللي هو blogspot.com في حال ان انا اشترينا دومين بعد كده هارجع اعيد اثبات الملكية مره ثانية .
وكمان في المقالة اللي فاتت شوفنا ازاي بنقدم خريطة السايت ماب وملف الروبوت الخاص به المدونة بتاعتنا ده انا عملته بالدومين المجانيblogspot.com لما اشتري دومين مدفوع هضطر ان ارجع اقدم خريطه السايت ماب مره ثانية وارجع اقدم ملف الروبوت مره ثانية .
وكمان او المدونة بتاعتي بدات تظهر في محركات البحث بالدومين المجاني لما هغير الدومين هضطر ان انا ارجع من اول وجديد الدومين يحتاج ان هو كمان يتغير على محركات البحث هياخذ مني برده بعض الوقت.
فعشان كده اختصار الوقت يفضل ان انت دائما او انت تشتري دومين من البداية
الكلام دا فى حال ان انت ناوي تشتري دومين من البداية عشان خاطر توفر على نفسك الحوارات اللي احنا اتكلمنا فيها دي كلها
تنويه هام
ولازم تخلى بالك ان الكلام دا انا بقول في حالة لو هتفكر تشترى لكن لو مش هتشترى فكدا يبقي عادي تكمل بالدومين المجاني بس اللي هو blogspot.com الخاص ببلوجر
يبقى احنا كده عرفنا كل شيء يتعلق بى الدومين
موقع شراء Domain
هنبدا بقى دلوقتي نروح لجهاز الكمبيوتر و نعرف ازاي بنشتري الدومين ونتعرف على الطريقة .
اول حاجة احنا هنشتري من موقع جودادي طبعا فيه مواقع كثير تقدر من خلالها انك تشتري دومين ولكن الاشهر المواقع العربية هو موقع جودادي لان التعامل معه سهل وبسيط كمان اسعاره بتكون رخيصه
طريقة التسجيل في موقع جودادي وشراء Domain
هاجي في محرك البحث يا شباب واكتب جودادي
هتبدا تظهر لي مجموعة من نتائج البحث دائما اختار اول نتيجة بحث بضغط عليها هيبدا يدخلنى على الموقع .
قبل كده كان ثمن الدومين حوالي 17.89$ دولار ولكن ما اعرفش ايه اللي حصل اصبح سعر الدومين زي ما انتم شايفين حوالي 12.89$ دولار.
لو انت عندك امكانية انك تشتري الدومين يكون كويس جدا لو ما عندكش امكانية يبقى زي ما قلتلك ممكن تشتغل بى الدومين المجاني blogspot.com
ولكن زي ما قلت بعد كده لو قررت انك تشتري دومين هتحتاج انك ترجع مره ثانية وتعمل كل الحاجات اللي احنا هنعملها
هنا دلوقتي هنبحث على الدومين بتاعنا او نبدا نشوف الدومين بتاعنا متاح ولا غير متاح اروح اجيب رابط المدونة بتاعتي يا شباب عشان خاطر اشوف الرابط متاح ولا غير متاح .
نسخ رابط المدونة
اعمل عرض المدونة واخد رابط المدونة بتاعتي انا دلوقتي عايزه اشتري دومين عشان خاطر اشيلblogspot.com دي وخليها دوت كوم مباشره تمام يعني انا دلوقتي عايز اشيل blogspot.com دي مين الرابط بتاعي بحيث انه يكون بالشكل ده يا شباب اللي هو m3lomaty2030.com بدون blogspot .
لصق رابط المدونة فى جودادي للبحث علي Domain
فبالتالي هاخذ الرا بط ده يا شباب m3lomaty2030 ما باخدش الرابط بالكامل ركز معي طب خذ بالك من كده لا انا باخد اللي هو m3lomaty2030 فقط لا غير فقط بعمله نسخ وبروح على جودادي مره ثانية وباجي في جزء (اكتب اسم النطاف) و بعمل لصق واعمل بحث كده اشوف الدومين متاح ولا لا.
لانك ممكن تختار دومين يكون حد اشتراه قبلك فبالتاني ما يكونش متاح هو هنا بيقول لي انت الدومين بتاعك متاح ما فيش مشكلهة الدومين بتاعي متاع ثم فبالتاني هبدأ اضيفه للسلة ده يبدا ينضاف في السلة .
تمام بيقولك ان الدومين بتاعك تم اضافتة في السلة كده خلاص بعد كده ابدا اضغط على الاختيار ده يا شباب عشان خاطر ابدا في عمليه الشراء او اكمل عمليه الشراء اللي هو continue to cart .
تحديد مدة وسعر Domain
هيبدا طبعا يدخلنى على صفحة تانية واللي من خلالها بحدد مدة الدومين يعني انا محتاج اشتريه لمده سنه او اتنين او خمس سنين ولا ايه بالضبط .
لو نلاحظ هنا بيقولي ان سعر الدومين 24.89$ دولار طب ازاي وهو كان من شويه 12.89$دولار بسبب ان المده سنتين باخطار سنه واحده من الاختيار اللي علي الجنب سنه واحده بس هيبدا يرجع لي السعر يا شباب 12.89$دولار.
انشاء حساب علي جودادى
هبدا اضغط على كلمه creete account عشان خاطر اني انشئ حساب جديد بعد كده هيدخلني على صفحه التسجيل واللي من خلالها بقدر ان انشأ حساب.
انت ممكن تعمل تسجيل الدخول باستخدام حسابك على فيسبوك او ممكن انك تنشئ حساب وده الافضل انك تعمل حساب جديد على الموقع ما تدخلش بحسابك على الفيسبوك.
اول حاجه بيقول اكتب الايميل هتبدا تجيب الايميل بتاعك وتكتبه بعد كده بيقول لك اختار username او اسم مستخدم برده هتختار username اللي انت محتاجه وبعد كده هتبدا تختار الباسورد او تكتب الباسورد الخاص بك وبعد كده هتوافق على الشروط الخاصه بهم او الخاصه بالشركه وبعد كده هتلاقي ان الخيار الخاص بي انشاء الحساب تبدا تظهر معك هتبدا تضغط عليها وتعمل حساب جديد.
كده تم انشاء الحساب بتاعي و هيبدا يدخلني على الصفحه اللي بعد كده واللي من خلالها بكتب البيانات والمعلومات الشخصية بتاعتي اللي هي اول حاجة الدوله بتاعتك هتبدا تختار الدوله بتاعتك من قائمه الدول اللي موجوده في الجنب.
ادخال البيانات في جودادى
بعد كده بيقول لك first name اسمك الاول هتبدا تكتب اسمك بعد كده last name الاسم الاخر هتبدا تكتب اسم العيله طبعا كل البيانات دي مش لازم تكون بيانات حقيقيه يعني انت مش مطالب اللي انت تكتب بيانات حقيقيه انت بتكتب اي بيانات مش لازم تكون بياناتك الحقيقية .
ولكن زي ما احنا قلنا اسمك الاول اسمك الاخير رقم التليفون بتاعك بعد كده بتكتب العنوان بتاعك بتكتب الرمز البريدي الخاص بالبلد بتاعتك او المنطقه بتاعتك وبعد كده بتبدا تكتب المدينه والمركز يعني شويه بيانات كده خاصه بك .
وكلها لازم تكون باللغة الانجليزية ماينفعش نكتبها باللغة العربية انا كتبت اي بيانات يعني ما فيش ولا بيانات من دي صحيحه.
المهم يا شباب بعد ما كتبت البيانات بتاعتي اضغط على كلمه save ممتاز جدا كده حفظ البيانات بتاعتي او حفظ المعلومات بتاعتي تمام مفيش اي مشكله هو هنا دلوقتي هيطلب مني طريقه الدفع ازاي هتقدر او ازاي هتدفع الثمن الدومين الخاص بي .
طرق الدفع
اول مره ما بيكونش متاح لك البيبال يعني لو انت هتشتري اول مره دومين من على الموقع مش هيكون متاح لك الدفع من خلال البيبال ولكن هيكون متاح لك الدفع باستخدام بطاقات الفيزا او الماستر كارد .
فبالتالي هتبدا ادخال رقم الفيزا بتاعتك او المعلومات الخاصه بي الفيزا وهتبدا في ادخال تاريخ انتهاء الفيزا الخاص بالفيزا وبعد كده هتبدا تكتب الرقم السري بالفيزا او اللي هم الثلاث ارقام اللي يكونوا موجودين على ظهر الفيزا انا بالنسبه لي استخدم فيزا الماستر كارد عشان خاطر ادفع ثمن الدومين عشان خاطر زي ما قلتلك ادفع ثمن الدومين وعلى فكره لو اي حد فيكم برده معاه فيزا فودافون كاش انه يشتري دومين ممكن انه يستخدم فيزا فودافون كاش في دفع ثمن الدومين .
تمام يا شباب بعد ما حطيت بيانات الكارت بتاعي هبدا اضغط على كلمه save هنا خلاص حفظ بيانات الكارت هنا بعد كده هبدا اضغط على complete purchase عشان خاطر اكد عمليه الشراء.
تمام كده هو هنا كده بيشكرك علي الانتهاء من عمليه الشراء و بيقول تاكيد الطلب بتاعك او تاكيد عمليه الشراء بتاعتك هيبعته لك من خلال رساله على الايميل لو انت رحت على الايميل بتاعك وبصيت هتلاقي بالفعل وصلتك رساله من الموقع بتاكد عمليه الشراء .
كل اللي عليه دلوقتي هو اني باكد الايميل بتاعي او باكد عمليه الشراء من خلال الضغط على verify email naw او تاكيد الايميل بتاعي لو ضغطت عليه هيبدا طبعا يوجهني على موقع جودادي مره ثانيه و يبقى انا كده انتهيت من عمليه الشراء وكمان انتهيت من تاكيد او تفعيل الايميل بتاعي .
النهاية
و يبقى احنا كده بالطريقه دي يا شباب اتعرفنا مع بعض ازاي بنشتري دومين مدفوع للمدونه بتاعتنا او طريقه شراء دومين مدفوع للمدونه من خلال موقع جودادي زي ما قلتلك في البدايه شراء دومين هو امر مهم جدا بالنسبه لي المدونه بتاعتك و لكن مش شرط اساسي ممكن تشتغل به بدومين blogspot.com
ان شاء الله باذن الله هنخلي المقالة الجايه نشرح من خلالها ازاي بنربط الدومين اللي احنا اشتريناه ده مع المدونه بتاعتنا .
شاهد الفيديو
للدخول الي موقع جودادي اضغط هنا
فديه مقالة اليوم ياشباب بكل تفاصيلها واللي اتمنى اكون افدتكم من خلالنا
لو عندكم اي سؤال متعلق بى مقالة النهارده كالعاده من خلال التعليقات تقدره تكتبوا كل الاسئله الخاصه بحضراتكم
وان شاء الله احاول اني اجاوب على كل الاسئله ففي الختام يا شباب اتمنى الخير والتوفيق لكل الناس شكرا لكم علي المتابعة والي اللقاء
