ما هي الاستضافة وايه انواعها
المقدمة
اهلا وسهلا بيك في موضوع جديد على قناة و موقع أشرح لي ويب
وهنبدا النهارده فى موضوع جديد و هنتعرف على
اي هي الاستضافة واي هي انواعها
وطبعا زي ما تعرفنا في دورة الربح من بلوجر وعرفنا ايه هي الاحتياجات التي يحتاجها
نبدأ ندخل على موقع الووردبريس ونتعرف على اهم حاجه بيحتاجها واللي لازم تبدا بها
وهي طبعا لازم يكون عندك استضافة
ما هي الاستضافة ؟!
اهلا بك من جديد وطبعا اول حاجه لازم تعرف يعني ايه استضافة
الاستضافة هي انك تستاجر او بتاخذ مساحة معينة على حاسوب او سيرفر
وطبعا السيرفر او الحاسوب ده لازم يكون له مواصفات معينه
زي مثلا انه يكون فيه معالج كويس وكمان مساحته كبيرة ويتميز بالسرعة في الاتصال بالانترنت
وطبعا شركات الاستضافة لازم تكون بتوفر لك ده
وطبعا كل ما الموقع بتاعك بيبتدي يكبر وتنشر عليه مواضيع أكثر بتحتاج إلى مساحة أكبر وهكذا
لان الموقع بتاعك بيبقى موجود عليه صور وروابط وفيديوهات ونصوص وملفات
وطبعا كل ده بيحتاج الى مساحة وده يعتبر زي مثلا جهازك الموبايل او جهاز الكمبيوتر والملفات اللي بتكون موجوده فيه
فلازم تدور على استضافة بتوفر لك الحاجات دي
هل يمكن استخدام جهاز الكمبيوتر في استضافة المواقع عليه؟!
بالنسبه للناس اللي ممكن تسال ان هي ممكن تستضيف المواقع بتاعتها على جهاز الكمبيوتر
فبقولك ممكن تعمل كده بس الامر هيبقى صعب جدا
وكمان لازم يكون مواصفات جهازك ممتازة جدا
ولازم يكون متصلا دائما بالإنترنت
وده غير الحماية التي يحتاجها الجهاز بتاعك علشان ما حدش يقدر يخترقه وطبعا ده هيكون مكلف جدا
مسميات أخرى للاستضافة
وطبعا الاستضافه ليها مسميات ثانيه كثير زي مثلا استضافة المواقع وكمان الهوست او الهوستنج واستضافه الويب وطبعا كلها ليها نفس المعنى
ما هي أنواع الاستضافة
نيجي بقى على أنواع الاستضافة ويوجد منها انواع كثيره
ونتعرف دلوقت على البعض منها
اولا الاستضافة حسب نظام التشغيل
اول نوع معانا هو الاستضافة حسب نظام التشغيل وتنقسم إلى نوعين
استضافة الويندوز
هي استضافة تعمل بنظام التشغيل Windows server
وطبعا هي غير منتشرة بالنسبة للنوع الثاني بسبب ارتفاع سعرها وتستخدم في المواقع الحكوميه والشركات
وتدعم لغة برمجة ASP.NET وقواعد بيانات Access
إستضافة لينكس
وهي الاستضافه الأكثر شيوعا وبتستخدمها اغلب المواقع الكبرى زي الفيسبوك وتويتر
وكمان المليارات من الموقع الصغيره
وتدعم لغة برمجة php وقواعد بيانات MySQL
وهي الأقل سعرا بسبب ان كثير بيشترك فيها
ثانيا الاستضافة حسب الموارد والمواصفات
اولا الاستضافه المشتركه Shared web hosting
هو النوع الأساسي والأكثر شيوعا و انتشارا والأقل سعرا
ثانيا السيرفر الخاص الافتراضي (VPS (Virtual private server
وهو يأتي في الترتيب الثاني بعد الاستضافه المشتركه في السعر والانتشار فهو أكبر سعرا
ثالثا السيرفرات المتكاملة dedicated Server
وطبعا دي هي الاغلى سعرا والاقل انتشارا وتعتمد عليها في المواقع الكبيرة
رابعا الاستضافة السحابية Cloud Hosting
وهي تعتبر مثل الاستضافة المشتركة السحابية والسيرفر الافتراضي الخاص حيث تستعمل موارد أكثر في جهازك الحاسوب
مثال للفهم من حيث المساحة والموارد
وطبعا هنبدا في الموضوع الجاي نتعرف على اهم الاستضافات المجانيه والمدفوعه وطبعا طريقه الحصول عليها بتكون سهله جدا
الفرق بين الدومين والاستضافة
نيجي بقى على الفرق بين الدومين والاستضافة
الدومين هو عنوان الموقع الإلكتروني واللى من غيره ما تقدرش توصل الى الموقع بتاعك
والاستضافة هي تعني ما يحتويه موقعك للملفات سواء كانت قابلة للمشاهدة او مخفية عن الزوار
او ممكن نقول ان الدومين هو عنوان منزلك أما الاستضافة هي المساحه اللي بيقع عليها منزلك
شاهد الفيديو
النهاية
وبكده تكوني عرفت ما هي الاستضافة وايه هي الانواع الخاصه بها وكمان الفرق بينها وبين الدومين
فلو حصل معاك اي مشكلة في موضوع النهارده ممكن تكتبها في التعليقات وان شاء الله هارد عليك في اسرع وقت ممكن
وان كان عندك اي استفسار عن موضوع النهارده او اي موضوع تاني ممكن تكتبه في التعليقات
وفي النهاية اشكرك يا غالي انك متابع معايا لحد دلوقتي
ماتنساش اللايك والشير الجميل منك
وانتظرني في الموضوع الجاي سلام
