إزاي الثعابين بتتحرك من غير ما يكون عندها أرجل؟

إزاي الثعابين بتتحرك فالحركه بمفهومها البسيط هي انك تنتقل من نقطة (أ) الي النقطة (ب)

وعلشان الحركه دي تحصل لازم يكون في اداء الحركه زي الاقدام والاطراف او حتى العجلات وغيرها.

لكن مع مخلوق زي الثعبان بقى قوانين الحركه بتبقى غير مفهومه و إزاي المخلوق الغريب ده بيتحرك.

الثعبان ما عندوش ولا اقدام ولا اي اطراف للحركه وبالرغم من كده بنشوفه يتحرك وبسرعه كبيره ساعات.

وبقدر يتسلق الاشجار واي عائق هيبقى موجود قدامه بل انه في بعض الاحيان بيقدر يقفذ في الهواء لارتفاعات كبيره

فيا تري ازاي بيقدر يعمل كده بدون اقدام وايه هي الوسيلة اللي بيستخدمها علشان يتحرك من مكان للتاني.

اهلا بكم انا Samouel Ghaly والحلقه دي هنجاوب على سؤال إزاي الثعابين بتتحرك من غير ما يكون عندها أرجل؟

ايه هي اهم مكونات جسم الثعبان

الثعبان من الزواحف ذوات الدم البارد بيتواجد في كل قارات العالم تقريبا ماعدا الاماكن شديده البروده .

جسمه كله متغطي بالحراشف وما لهوش اطراف ولا جفون ولا حتى اذن خارجيه

لكن بالرغم من كده بيمتلكه سلاح قوي جدا و هو تقريبا السبب الرئيسى فى بقاء الثعابين في البريه لحد النهارده والسلاح دا هو العضلات

عضلات الثعابين بتشكل نسبه تكاد تكون مئه في المئه من الجسد جسم الثعبان كله عضلات

فلو جسم الانسان بيشتمل على ما بين 700 الي 800 عضله

فالثعابين بما فيهم الانواع الصغيره كمان والي طوله يقدر بالسنتيمترات بتمتلك مابين 10000 الى 15000 عضلة

وهو ده السر في المرور والصلابه اللي بتميز بهم الثعبان .

ولو عايز تتخيل مدى قوه عضلات الثعبان فكل اللي عليك انك تشوفه وهو بيلتف حول الفريسة بتاعته وقبضته على الفريسة بتكون صعبة جدا وقويه

وبيكون مستحيل على معظم الفرائس انها تفك منها مهما كانت قوه الفريسة ومش بس كده.

لو دخلنا في جسمه من الداخل هنلاقيه بيتكون من مجموعه من الفقرات المتصلة والممتده من الراس لحد نهاية الزيل

ويتراوح عدد الفقرات دي تقريبا ما بين 100 الي 450 فقره في الجسم ومن 10 الي 205 فقرة في الزيل

كل فقره من الفقرات دي بيرتبط بها زوجين من الضلوع ولك ان تتخيل انك ثعبان زي الثعبان الاسترالي

جسمة بيحتوي على 600 فقرة متصلة ودا اللى بيخلى الثعابين اكثر الحيوانات اللي تمتلك فقرات في جسمها على الاطلاق.

ومن الاشياء المزهلة جدا في العمود الفقري للثعبان هو ان كل فقره من العظام مش بتتصل بالفقره اللي جنبها بنقطه واحده ثابتة او طبقات اسفنجية مثلا واللي هو الحال في معظم الحيوانات.

فقرات الثعبان بتتصل مع الفقرات اللي جنبها في خمس نقط مختلفه وبتكون على هيئه مفاصل كرويه ونتوءات وسطح مفصليه في الاعلى و في الاسفل حاجه اشبه بفكره الرولمان بلي اللي موجود في الاجهزه والمحركات .

وعلشان كده النقاط الخمسة المفصلية دي بتسمح للثعبان انه يدور في كل الاتجاهات بدون ما يحصل له اى التواء او اصابه في العمود الفقري

وفي النهايه كل الحاجات دي بتتغلف بغطاء قوي جدا واللي هو الحراشف واللي يعتبر جلد مرن وقوي في نفس الوقت،

ما هي اليات الثعابين في التحرك.

وعلشان كده السر في طريقه حركه الثعابين والافاعي هي العضلات مرونة العمود الفقري واخيرا الحراشف ، وهنا بقى بيجي اول دور الية تستخدمها الثعابين علشان تتحرك الا وهي الية الحركه المستقيمه.

الثعابين والافاعي بوجه عام بيتحرك من خلال 4 اليات او اربع طرق مختلفه الاربعه بيعتمدوا على العضلات بشكل او باخر

كل تعبان مستخدم الطريقه المناسبه طبقا للظروف اللي موجود فيها او طبيعه المكان اللي هو عايش فيه

الالية الاولي إزاي الثعابين بتتحرك بيها

واول الاليات دي هي الاعتماد على الحراشف في الحركه المستقيمه الحراشف مش مجرد جلد خارج شكله حلو وخلاص الحراشف تقوم بدور الخطاطيف او المثبتات اللي بتساعد الثعبان انه يحتك بالارض بالارض.

وعلشان كده الثعابين تقدر تتحرك اعتمادا على القشور اللي في بطنها دي بتضغط الثعابين على كامل قشور بطنها السفليه و وتخليهم كلهم يحتكوا بالارض وبعدها بالاستعانه بالعضلات بتدفع نفسها لقدام في خط مستقيم .

والعمود الفقرى فى الوقت دا يكاد يكون مش بينحني اصلا ولا لاسفل ولا لاعلى والطريقه دى تعتبر ابسط اليات الحركه عند الثعابين نظرا لانها بطيئة جدا

والثعبان بيستخدمها في حالات معينه زي مثلا يكون ماشي داخل جحر او حفره ضيقه في باطن الارض

او حتى ماشي على حاجه رفيعه جدا وما فيش مساحه انه نستخدم الية من الاليات الثانيه

لكن لو المساحة اتوفرت هنقلنا مباشره للالية الثانيه

الالية الثانية إزاي الثعابين بتتحرك بيها

ثاني الية بيستخدمها الثعبان في الحركه هي الية ( concertina locomotion )

واللي ممكن نوصفها بالعاميه كده انها حاجه اشبه بحركه دوده الارض

وفي الطريقه دي بيبدا الثعبان يثبت حراشف الجزء الامامي من جسمه وبعد كدا يبدا يرتكز بقوة في نقطه معينه

وبعد كده من خلال العضلات القويه يسحب ويضم باقي الجسم كله ناحيه النقطه دي

وبعدها يبدا يعكس العمليه يثبت النقطة من الجزء الخلفي ويرتكز عليها وبعدين يفرد جسمه لقدام زي الاكورديون اللي كان الناس بتعزف عليه

وزي ما قلنا الموضوع ده اشبه بحركه دوده الارض واللي بتستخدم نفس الالية تقريبا مع بعض الاختلافات البسيطه

والفرق ان دودة الارض لما تيجي تتحرك من نقطة للثانيه كله اللي بتعمله بتثبت الجزء الامامي من جسمها من ناحيه الراس في الارض

ومن خلال شعيرات دقيقة بتبدا تسحب وتضم باقي جسمها ناحيه نقاط التثبيت وبعدها تعكس التثبيت وتثبت الجزء الخلفي وتدفع الجزء الامامي الي قدام

الالية الثالثة إزاي الثعابين بتتحرك بيها

الاليه الثالثه اللي بتستخدمها الثعابين علشان يتحركوا هي تقريبا اشهر طريقه بيستخدموها في الحركه والمعروفة باسم

( serpentine locomotion ) او حركة الاعوجاج في النوع دا من الحركه بيبدا الثعبان يثنى عضلاته ويكون شكل موجه افقيه على شكل حرف ( s )

وما بيعملش كده مره واحده وخلاص بيعمل كده مرات كثير ورا بعض في كل انحاء جسمه

يثني عضلاته يمين وشمال في سلسله سريعه متصله او مستمره بتمتد انحناءاتها من الراس لحد الزيل

وكناتج لسلسلة الموجات الجانبيه دي بيبدا جسم الثعبان يندفع بقوه للامام في اتجاه الراس والطريقة دي هي المفضله بالنسبه للثعابين والحييات واللي بيقدروا من خلالها هيوصلوا بسرعه ممكن تصل ل 30 كيلو متر في الساعه

ده غير ان طريقه الحركه دي بتكون مناسبه لتفادي الصخور والعوائق بل ان التعابين كمان بتقدر تستخدم الالية دي في السباحه .

الالية الرابعة إزاي الثعابين بتتحرك بيها

رابع الية بقى يستخدموها والاخيره هي الية غريبه شويه غير مالوفه والالية دي هي الية الازاحة الجانبيه ( lateral displacement locomotion )

الالية دي بيبان ان التعبان في الوهبة الاولى وكانه مزعور وبحاول يهرب من حاجه معينه او انه بيحاول يشتت انتباه حيوان او مفترس بيحاول يهجم عليه .

وفي النوع دا من الحركة الثعبان بيتحرك بشكل انحرافي جانبي عن طريق انه بشكل موجات عموديه .

وبيستخدم فيها الثعبان ثلاث نقط فقط في الارتكاز على الارض الراس والذيل و نقطه ثانيه في منتصف الجسد.

يثبتهم على الارض ويقفز قفزة خفيفة لقدام ويكرر العمليه دي اكثر من مره ولو راقبت ثعبان وهو بيتحرك بالطريقه دي

هتحس انه بيرمي نفسه على جنب وبعدين يتحرك خطوه بيرمي نفسه على جنب ثانيه

والنوع دا من الحركه بيكون مناسب للانواع اللي بتعيش في المناطق الصحراويه او اي منطقة تحتوي على تربه مفككة او رملية .

ودا لان الالية دي بقلل من فرصه ملامسه الثعبان للرمال الناعمه فانه يعتبر بطنطت مش بيمشي ومن اشهر التعابين اللي بتتحرك بالطريقه دي الافعي المقرنة الموجوده في افريقيا .

اهمية الثعابين

وفي النهايه بالرغم من كون الثعابين مخلوقات مخيفه وخطيره بالنسبه لنا إلا ان دورها في البيئه بيعتبر دور حيوي واساسي لا غنى عنه واختفاء التعابين من الطبيعه ممكن يتسبب في كوارث فظيعة

التعابين بتساعد في الحفاظ على التوازن في الطبيعه سواء في دورها كمفترس للفئران والجرزان او حتى في دورها كفريسة للحيوانت اللي اكبر منها في الحجم

وبكده نبقي جاوبنا النهارده على سؤال إزاي الثعابين بتتحرك من غير ما يكون عندها أرجل؟ وكالعادة إذا كان هناك سؤال محيرك فاكتبه لنا في التعليقات تحت الموضوع حتى أتمكن من الإجابة عليه .

إذا أعجبك الموضوع فلا تنسى الإعجاب والمشاركة ، واشوفكم الموضوع الجاي . سلام .