اساسيات بلوجر

طريقة إضافة أكواد Meta tags لتصدر محركات البحث وكيفية النشرعلى الفيس بوك وتويتر بدون حظر

طريقة إضافة أكواد الميتا تاج Meta tags لتصدر محركات البحث | وكيفية النشر على الفيس بوك وتويتر بدون حظر

طريقة إضافة أكواد Meta tags

اهلا وسهلا بيك في موضوع جديد على قناة و موقع أشرح لي ويب

وهنتعرف في موضوع النهاردة على طريقة إضافة أكواد الميتا تاج Meta tags لتصدر محركات البحث

و كيفية النشر على الفيس بوك وتويتر بدون حظر

إن شاء الله من خلال حلقة النهاردة هنتعرف مع بعض الطريقة الصحيحة والسليمة اللي نقدر من خلالها ان احنا نضيف اكواد الميتا تاج  Meta tags في المدونة بتاعتنا بدون ما تواجهنا أي مشاكل او أي صعوبات.

اي هي المشاكل اللي بتواجهنا في المدونة؟

موضوع النهاردة عشان خاطر ماتجيش بعد كده تقول ليه المدونة بتاعتي ما بتظهرش في محركات البحث او نتائج البحث

وليه بيتم حظر الروابط بتاعتي من على فيسبوك او من على تويتر.

و حل المشاكل دي كلها هتتعرف عليها من خلال موضوع النهاردة

المهم يا شباب ايه اللي احنا هنشرحوا في موضوع النهاردة هنتعرف من خلالها ازاي نظبط  بعض الإعدادات الخاصة بالمدونة عشان خاطر نضمن ظهور المدونة في محركات البحث 

وكمان ما يتمش حظرها من على فيسبوك او من على تويتر.

ودا بيتم من خلال إضافة بعض الاكواد داخل المدونة بتاعتنا او في قالب المدونه بتاعتنا و دي بنسميها اكواد الميتا تاج.

ما هي اكواد الميتا تاج؟

 اكواد الميتا تاج دي يا شباب هي مجموعة من الاكواد البرمجية يتم اضافتها داخل قالب المدونة

الاكواد دى ما بتكونش ظاهرة للمستخدم العادي يعنى الشخص العادي او مايقدرش انه هو يشوف الاكواد دى

ولكن الاكواد دي بتساعد محركات البحث او بتساعد عناكب البحث ان هي تدخل المدونة بتاعتك و تبدأ تحللها و بناءا على الاكواد بتبدا تصنف المدونة بتاعتك  تبع اي فئه بالضبط .

يعني ان الموقع اللي انت شغال عليه ممكن يظهر على محركات البحث ولكن محركات البحث مش عارفه صنف موقعك تحت اي قسم

سواء كان موقع تعليمي او موقع رياضي أو ترفيهي او اخباري وهكذا

ما هو دور اكواد اكواد الميتا تاج؟

فدور اكواد الميتا تاج ان هى تصنف وتحدد الموقع بتاعك بناءا على المحتوى اللي انت هقدمه من خلال الموقع

يمكن الكلام اللي انا بقوله ده هيكون صعب شوية على بعض الناس 

ان شاء الله لما نبدأ نشرح دا هنبدا نتعرف على كل التفاصيل والشرح لما يبقى عملي الناس هتقدر تستوعبها بشكل أفضل 

طريقة تركيب اكواد الميتا تاج في المدونة؟

عايزين دلوقتي نعرف ازاي بنركب اكواد الميتا تاج دي داخل المدونة ما فيش فيها اي مشاكل

كل اللي عليك هو انك من خلال لوحه التحكم الخاص بالموقع بتاعك

ثم بعد ذلك نقوم بالضغط على تبويب المظهر وفتح السهم المجاور لكلمة تخصيص ثم الضغط على تعديل HTML يفتح معنا المكان اللي احنا بنركب فيه قالب المدونة .

هاكون سايبلكم في اسفل الموضوع رابط تقدر انك تحمل ملف الاكواد اللي احنا هنشتغل عليه

 وعدد الاكواد هنا مش كثير و اكواد الميتا تاج هي الاكواد الرئيسية هي دي اللي بتكون محتاجاها وانا برده عشان خاطر اسهل عليك 

جمعتلك الاكواد الرئيسية والاكواد الثانية او الاكواد اللي اصبح ملهاش ليه قيمة محبتش اللي انا اديها لك عشان خاطر ماصعبش الدنيا عليك.

المهم كل اللي عليك زي ما قلتلك تحمل ملف الاكواد بعد ما بتحمل هتفتح هتلاقي ظاهرة عندك الاكواد 

كل اللي عليك وانك هتعدل على الاكواد بالطريقة اللي احنا هنشوفه مع بعض

التعديل على اكواد الميتا تاج

هتلاقي عندك 8 اكواد  اساسية واللي هيتعدل عليهم في كل اللي عليك هتغير رمز #  بالتعديل المناسب لهم كما يلي بالترتيب

هتبدا هنا تضيف وصف خاص بموقعك وطبعا الوصف دا بيختلف من شخص للتالي 

يعني مثلا الوصف الى انا بكتبه ما ينفعش ان انت تكتب نفس الوصف اللي انا بكتبه 

انت بتكتب حاجه خاصه بك انت حاجه من خلالها بتوصف الموقع بتاعك عباره عن ايه بالضبط.

  1. هنا تستطيع وضع الكلمات المفتاحية اللي بتعبر  عن موقعك ودي نفسك طريقه الكلمات المفتاحية اللي بتحطها على فيديوهات اليوتيوب يمكنك الحصول عليها بمساعدة هذا الموقع
  2. تقوم بوضع معرف تطبيق الفيسبوك ان كان لديك تطبيق وللحصول عليه يجب ان يكون عندك تطبيق تم انشائه وبعد ذلك يمكنك الحصول على المعرف الخاص به من خلال الخطوات التالية 
  • اضغط على في الزاوية العلوية اليسرى من فيسبوك.
  • مَرّر لأسفل، ثم اضغط على الإعدادات.
  • اضغط على التطبيقات ومواقع الويب، ثم اضغط على تطبيقات تم تسجيل الدخول إليها بحساب فيسبوك.
  • اضغط على اسم التطبيق.
  • مَرّر لأسفل حتى تصل إلى معرفة المزيد. معرف المستخدم الخاص بك في الفقرة التالية.

معرف أدمن تطبيق الفيس بوك – يمكن توليده من هذا الرابط بإدخال رابط الصفحة الشخصية لمالك التطبيق : lookup-id.com

او من خلال فتح الملف الشخصى على المتصفح ثم الضغط على Ctrl + U يفتح معك صفحة جديدة تقوم بالضغط على Ctrl + F  والبحث عن النص التالي profile_id سوف تجد المعرف الخاص بك بعد هذا النص

  1. رابط صفحة موقعك على الفيس بوك . 
  2. رابط حساب المؤلف على الفيس بوك 
  3. معرف صفحة المدونة على تويتر مثال @Eshrhaly
  4. معرف صفحة المؤلف على تويتر  مثال @SamouelGhaly

ويبقى كده خلاص احنا انتهينا من الاكواد بالكامل نقوم بأخذها نسخ وتروح على اكواد القالب الخاص بك

وبعد كده تبحث عن الوسم <head> وتاخد مسافة بعده مباشرة وتعمل لصق للاكواد.

اما بقي لو معندكش وسم   <head>  تبحث عن الوسم <title> وتيجي فوق اول واحد وتاخد مسافة بزر enter وتلصق الاكواد.

كدا اصبح للمدونة كلمات مفتاحية وعملت ربط ما بين الموقع بتاعي وبين صفحة الفيسبوك وكمان تويتر 

بعد كذا تضغط على حفظ المظهر تيجي تعمل بحث هتلاقي ان الوصف بيظهر مع المدونة  لكن بعد فترة 

وده معناه ان خلاص محركات البحث بدات تفهم ان المدونة بتاعتك عباره عن ايه او بدات تعرفني المدونة بتاعتك بتقدم محتوى عباره عن ايه.

روابط التحميل 

لتحميل اكواد اكواد الميتا تاج Meta tags

موقع معرف الفيس بوك

موقع الكلمات المفتاحية

شاهد الفيديو لمزيد من المعلومات

النهاية

فده كان موضوع النهاردة عن طريقة إضافة أكواد الميتا تاج Meta tags لتصدر محركات البحث | وكيفية النشر على الفيس بوك وتويتر بدون حظر

فلو حصل معاك اي مشكلة او كان عندك اي استفسار عن موضوع النهارده اكتب ده في التعليقات

وفي النهاية بشكرك يا غالي انك متابع معايا لحد دلوقتي

فماتنساش اللايك والشير الجميل منك وانتظرني في الموضوع الجاي سلام

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock