ليه عين الموناليزا بتبص علينا؟ | (Mona Lisa)

عين الموناليزا – لو سالتك عن اشهر لوحة سمعت عنها خلال حياتك كلها سواء بقى مهتم بالفن واللوحات او حتى ما تعرفش عنهم اي حاجة.

إجابتك بكل بساطه هتكون لوحه الموناليزا (باللغة الفرنسية: Mona Lisa، وباللغة الإيطالية: Monna Lisa).

اللوحه اللي قاعد فيها ست طيبه بتراقب كل حاجه موجود حواليها عيونها بتتحرك في كل مكان مليانه بالفضول.

 اي منطقة هتبقي واقف فيها هتلاقيها بتراقبك وهتلاقي عيونها بتتحرك نحيتك في هدوء وبتبص عليك زي ما انت بتبص عليها بالظبط.

وبتبتسم ابتسامه غريبه مخيفه بالنسبه للبعض ومبهجه بالنسبه للبعض الاخر وبالرغم من ابتسامتها صامتة تماما الا انها تساوي الف كلمه.

لوحه الموناليزا هي واحده من اللوحات الغامضة جدا واللي بتحميل جواها اسرار كثير وفيه جدل كبير قائم بخصوص اللوحه دي.

هل عين الموناليزا فعلا بتتحرك ولو بتتحرك فإزاي لوحة مكونة من بعض الالوان والورق عينيها ممكن تتحرك يمين وشمال.

والاهم من كل ده ليه اللوحه دي اصلا مشهوره جدا لدرجه ان انت عارف اسمها واصحابك وجيرانك برضه عارفين اسمها.

وبالمناسبه هو اصلا يعني ايه الموناليزا  

الموضوع دا هنجاوب على سؤال ليه عين الموناليزا بتبص علينا؟

اولا ما معني كلمة الموناليزا؟

 لو ما تعرفش يعني ايه كلمه موناليزا اوليه اسمها كده فاسمحلي اقول لك ان كلمه Mona هي اختصار للكلمة الإيطالية (Ma donna) والتي تعني \”سيدتي\” وكلمة Lisa ده اسم السيده المرسومة ولما نحط الكلمتين على بعض يبقى اسم اللوحه تعني \”سيدتي ليزا\”.

 مين بقي سيدتي ليزا دي وايه حكايتها بالضبط وليه مشهورة قوي كده وايه السر وراء شهرتها الكبيره دي.

ثانيا من الذي رسم الموناليزا؟

الموناليزا هي لواحه رسمها الفنان الايطالي ليوناردو دافنشي \”Lionardo di ser Piero da Vinci\” في القرن السادس يعني من زمان جدا جدا جدا

ثالثا اسباب شهرة اللوحة واهم الاساليب المستخدمة فيها

وسبب شهرة اللوحه دي بيكمن في عدة اسباب

اول سبب فيهم هو اسلوب الرسم الجديد اللي اخترعه ليوناردو دافنشي واللي استخدمه في رسم اللوحه

ليوناردو دافنشي رسم الست الطيبه اللي قاعده في اللوحة رسمه 3D

رسم الاتجاه الجانبي للست و الاتجاه الامامي مع بعض و في نفس الوقت في لوحه واحده .

وهذا انتج رسم في شكل ثلاثي الابعاد ومجسم.

وحرفيا ليوناردو دافنشي عمل ثوره في عالم الفن يوم ما رسم الموناليزا

ولان كل الرسومات اللي كانت موجوده في الوقت ده كانت رسومات مسطحه الرسامين كانوا بيرسموا الناس من جنب واحد بس.

ولو قمت بمقارنتهم بلوحه الموناليزا هتحس ان الموناليزا صوره حيه مليانه حياه وجمال وكل حاجه حلوه.

الطريقه دي في الرسم او طريقه التجسيم يعتبر ليوناردو دافنشي هو اول شخص في العالم كله يستخدمها.

وبدا الفنانين من بعده يتبعون نفس الطريقه لحد ما الفن وصل شكله الحالي.

وجدير بالذكر ان مش دي هي الحاجه الوحيده اللي اضافها ليوناردو دافنشي في عالم الرسم.

ليوناردو دافنشي استخدم برده اسلوب جديد في التلوين لم يكن موجود وقتها وهو اللي ابتكره ولون بيه لوحه الموناليزا.

والاسلوب الجديد ده في التلوين اسمه التلوين الضبابي يعني باختصار كده مستحيل تلاقي اي خط صريح في اللوحه كلها

ولكن هتلاقي الالوان متداخله تدريجيا و ما فيش اي خط واضح فاصل بينهم و ده كان شيء جديد جدا بالنسبه للفن وقتها

ومش بس كده كمان اللوحة مليانة عجائب وغرائب كثير دافينشي حول اللوحه من رسمة لعالم كبير من الاسرار والغموض والخدع البصريه

وخليني اذكر لكم بعض غرائب اللوحه دي ابتداء من ابتسامتها

رابعا ما سر ابتسامة الموناليزا؟

ابتسامه الموناليزا الهادئة الغريبه جدا اللي حيرت الباحثين على مر العصور فيها حاجه مدهشه.

لو انت سعيد وبصيت على اللوحه هتلاقي ابتسامتها بتدل على الفرحه و كانها بتبسم ليك.

 ولو انت حزين وبصيت للوحه هتلاقي ابتسامتها حزينه وكان ابتسامتها انعكاس لحالتك النفسيه.

خامسا طريقة رسم عين الموناليزا .

اكثر حاجه مشهورة بيها هي عين الموناليزا وفي البدايه خلينا كده ننوه علي ان عيون الموناليزا مش بتتحرك ولا حاجه زي ما بعض الناس متصور.

كل الموضوع انه اسلوب التجسيم اللي ليوناردو دافنشي استخدمه في اللوحه قدر بطريقه معينه في الرسم يخلي عيون الموناليزا ممتدة بزاويه 30 درجه

يعني ايه الكلام ده بالعربي كده لو انت واقف قدام الموناليزا مباشره هتلاقي عينها بتبص على عينك مباشره وده عادي جدا ،

ولكن لو بعدت عن الموناليزا ومشيت خطوتين على اليمين على سبيل المثال ، وبدات تبص مره ثانيه هتلاقي برضه عينها بتبص عليك مباشره و كانك واقف قدامها.

وده كله بسبب اسلوب التجسيم اللي ليوناردو دافنشي استخدمه مع العلم ان لو حضرتك بعيد عنها اكثر من 30 درجه مش هتلاقي عينها بتبص نحيتك ولا حاجة.

اللوحة مصممة في حيز 30 درجة وبس واللي بالمناسبه يعتبر حيز صغير على عكس ما البعض معتقد ، وكان مثلا عينها هتخرج من اللوحو وتجري وراك.

لكن في النهايه الفكرة نفسها عظيمه جدا كون ان اللوحة تبصلك زي ما انت بتبصلها دا في حد ذاته كان انجاز ، ولو فكرت في الموضوع هتلاقيه امر رائع.

طول عمرنا بنبص على اللوحات وبنتامل فيها لكن دلوقتي ومع اسلوب  ليوناردو دافنشي قدرنا ان احنا نديهم فرصه يبصوا لنا هما كمان زي ما بنبصلهم.

سادسا سر اختفاء اللوحة في متحف اللوفر

في يوم من الايام لوحه الموناليزا كانت موجوده في متحف اللوفر في باريس والناس بتزورها كالعاده والوضع عادي والدنيا جميله

وفجاه يوم 22 اغسطس سنه 1911 الزائرين في متحف اللوفر اكتشفوا ان الموناليزا مش موجوده ومكان اللوحه فاضي

 وعرف كل ما في فرنسا على خبر سرقه الموناليزا وكانت اللوحه مختفيه لمده سنتين وماحدش يعرف عنها اى حاجه

ولكن مع مرور الوقت بدات تفاصيل الموضوع تتضح بالتدريج

وان في شاب ايطالي اسمه فينتشنزو بيروجي كان شغال عامل زجاج في متحف اللوفر.

وفي يوم 21 اغسطس استغل ان المتحف مقفول وما فيش فيها اي زوار وشال اللوحه من مكانها ، وشال من عليها الاطار ، ولف اللوحه في هدومه ، وخرج من المتحف من غير ما حد يحس بحاجه ، وفضل مخبي اللوحه في شقه مهجوره لمده سنتين.

ولما رجع بلده ايطاليا تواصل مع فنان ايطالي اسمه الفريد جيرى و عرض عليها اللوحه وقال له اشتريها .

وان ايطاليا احق بيها لان ليوناردو دافنشي ايطالي وفرنسا ليس لها الحق انها تاخد حاجه ملك ايطاليا

المهم الفنان اللي اسمه الفريد جيرى ده راح اتصل بالشرطه وبلغ عن فينتشنزو بيروجي وقال لهم تعالوا خذوه من قفاه وسلمه الي الشرطه تسليم اهالي.

وبعدها الحكومه الايطاليه اخذت اللوحه وحطتها في متحف ايطالي اسمه

بوفير جاليرى والعالم كله عرف ان الموناليزا ظهرت مره ثانيه و انها موجوده في ايطاليا

وبدات فرنسا تتواصل مع ايطاليا علشان يستعيدوا اللوحه وحصلت مشدات بينهم

لدرجه انها كانت هتوصل لقطع العلاقات السياسيه بين ايطاليا و فرنسا

فرنسا كانت هتموت على اللوحه وفعلا في النهايه فرنسا كسبت المفاوضات ، ورجعت الموناليزا لمكانها في باريس واتحطت تاني في متحف اللوفر.

بس المره دي حطوها في اطار زجاجي مضاد للرصاص علشان ما تتسرقش مرة تانية.

ومن الحاجات الطريفه انه يقال اثناء الشرطة كانت بتحاكم الشخص اللي سرق الموناليزا سالوه انت ليه سرقت اللوحه ، فقالهم لانها تشبه حبيبتي اللي توفت من سنين

سابعا من هي شخصية الموناليزا الحقيقية.

 يا ترى مين هي الست الموجوده في لوحه الموناليزا الباحثين فضلوا يبحثوا في الموضوع ده كثير جدا وكثرة الاراء والنظريات

ففي ناس بتقول ان الست دي هي ام ليوناردو دافنشي وفي ناس ثانيه بتقول انها حبيبته و ناس تانية بتقول انها مجرد رسمه من وحي الخيال

وفي نظرية غريبه كمان بتقول ان الموناليزا هي ليوناردو دافنشي نفسه بس مغير في تفاصيل و جهه علشان الموناليزا

وكمان عمله تطابق من وجه الموناليزا وجه دافنشي ووجدوا ان في بالفعل نسبه تتطابق.

ولكن النظريه الاشهر والاقرب الي الصح كمان

ان الموناليزا ست اسمها ليزا جيرارديني زوجة التاجر الثري فرانشيسكو ديل جيوكوندو

وكان الرجل ده صاحب دافنشي وطلب منه يرسم صورة مراته علشان يحطها في البيت احتفال بان زوجته انجبت طفل جديد

وفضل دافنشي يرسم اللوحه في سنين طويله وبعد ما انتهي من اللوحه اخذها وسافر من ايطاليا الى فرنسا

ولسبب مجهول ما سلمش اللوحه لفرانشيسكو ولا حتى لمراته ومع مرور الوقت ملك فرنسا اخذ اللوحه دافنشي وحطها في القصر بتاعه

وفضلت اللوحات تنتقل من الملك لملك لحد ما استقرت في باريس وتحديدا في متحف اللوفر

والكلام ده قاله فاساري اللي كاتب السيره الذاتيه لدافنشي واللي عاصر دافنشي اثناء حياته

وهو اللي اطلق على الموناليزا الاسم ده نسبة للسيده ليزا

وفي النهايه خليني اقول لك معلومه اخيره الموناليزا دي مرتدية على راسها شال شفاف جدا مغطي جبهتها وراسها

ودي كانت عادة منتشرة في لبس الاميرات بس حضرتك طبعا ما كنتش واخذ بالك من الشال اي خدمه

وبكده نبقي جاوبنا النهارده على سؤال ليه عين الموناليزا بتبص علينا؟

 وكالعادة إذا كان هناك سؤال محيرك فاكتبه لنا في التعليقات تحت الموضوع حتى أتمكن من الإجابة عليه .

و إذا أعجبك الموضوع فلا تنسى الإعجاب والمشاركة ، واشوفكم الموضوع الجاي . سلام .