ما الفرق بين بيبسي وكوكا كولا؟ | معلومة في السريع

بيبسي وكوكا كولا – من المواقف اللي بنشوفها بصوره دوريه ان احنا نبقي واقفين في سوبر ماركت مثلا ويجي واحد يسال عن بيبسي ولما يكتشف ان ما فيش فيه بيبسي يمشي وما يشتريش

بالرغم من ان الثلاجه مليانة كوكا كولا فيا ترى ايه الحكايه

أهلا بكم أنا Samouel Ghaly وموضوع اليوم من موضوعات موقع اشرحلي ويب هنجاوب في السريع علي سؤال: –

بداية ظهور شركتي بيبسي وكوكا كولا

بداية كده بيبسي وكوكا كولا شركتين مختلفتين مش زي مع بعض الناس يعتقد كوكا كولا ظهرت المره الاولى في 8 مايو عام 1886

لما قرر الصيدلي الامريكي (جون ستيث بمبرتون – John Stith Pemberton ) انه يخترع منتج بديل الكحول وكان الغرض الاساسي من المنتج علاجي بحت و كان الموضوع مجرد صدفة

وشركه بيبسي هي كمان نشأتها كان بمحض الصدفه زي كوكا كولا والاغرب كمان ان المشروبين الي انتجهم كانوا صيادلة

مشروب بيبسي ظهر للمره الاولى في صيف عام 1893 فى ولاية كارولينا الشمالية بامريكا. على ايد الصيدلي الامريكي كاليب برادهام (Caleb Bradham)

اثناء ما كان بيمزج بعض التركيبات الكيميائيه في صيدليته الخاصه

وكان الغرض الاساسي من المنتج بتاعه ان يكون علاج لعسر الهضم

لكن بدل ما ينتج دواء يساعد على الهضم انتج لنا مشروب البيبسي

فرق المذاق بين المشروبين

اما بخصوص المذاق ففي فرق البيبسي والكوكا كولا بل انه متداول على السوشيال ميديا فيديوهات لاشخاص بيقدروا يفرقوا ما بينهم وهما لافين قطعة قماش علي عينيهم ومش شايفين خالص

والسبب في كده هو انا كل منتج منهم ليه ريحه ونكهم ومكونات معينه خاصه بيه

مشروب الكوكاكولا مثلا فيه مذاق الفانيليا شويه في حين ان البيبسي طعمه حامض اكثر نكهة البيبسي اكثر حده في حين ان الكوكاكولا حدتها اقل ونسبه السكر في البيبسي اكثر من السكر في الكوكاكولا في حين ان الاملاح والصوديوم الموجودين في الكوكاكولا اكثر من بيبسي د

واخيرا بقى البيبسي يتفوق على الكوكاكولا بكميه الكافيين اللي بيحتويها عبوه البيبسي تحتوي على 37.5 مليغرام من الكافيين في حين ان عبوه الكوكاكولا تحتوي على حوالي 34 مليغرام فقط بس فى المجمل الاثنين بيحتوي على الصوديوم والسكر والمياه الغازيه و الكافيين والنكهات الطبيعيه

وبكده نبقي جاوبنا النهارده على سؤال ما الفرق بين بيبسي وكوكا كولا؟ وكالعادة إذا كان هناك سؤال محيرك فاكتبه لنا في التعليقات تحت الموضوع حتى أتمكن من الإجابة عليه .

إذا أعجبك الموضوع فلا تنسى الإعجاب والمشاركة ، واشوفكم الموضوع الجاي . سلام .