المقدمة
اهلا وسهلا بيك في موضوع جديد على قناة و موقع أشرح لي ويب
وهنبدا النهارده فى موضوع جديد وهنتعرف على كيفية حذف وعمل اعادة ضبط مصنع لموقع الووردبريس الى اعداداته الأصلية
وطبعا زي ما اتعلمنا في الموضوع اللي فات ازاي نقدر نثبت الووردبريس على الاستضافة بتاعتنا
هنبدا نتعرف ونتعامل مع الوردبريس فحبيت اني اجيب لك اضافه بتعمل ضبط مصنع للموقع بتاعنا
وتحذف جميع الاضافات اللي فيه علشان نبدأ فيه على نظافه
وطبعا انت حتى لو كان موقعك كبير وحصل معك اي مشكلة فيه
سواء بعد تثبيت اضافه او قالب أو عملت اي حاجه غلط في الموقع وتسببت في تخريب موقعك
يمكنك استخدام شرح اليوم في عمل ضبط مصنع لموقعك
ولكن يجب عليك الاول ان تقوم بعمل نسخة احتياطية للموقع بتاعك
علشان تقدر تسترد جميع البيانات اللي كانت في الموقع قبل التخريب
ولو عايز تعرف ازاي تقدر تعمل نسخه احتياطيه اكتب لي في التعليقات وان شاء الله هنزل لك شرح بكده
وطبعا انت من نفسك بتستخدمها وتعمل نسخة احتياطية كل فتره
وممكن تحتاج النسخة الإحتياطية دي ان موقعك حصل اي حاجه غلط في الموقع وتقدر تعمل استرداد ليه
بس موضوع النهاردة هنعرف ازاي نقدر نعمل ضبط مصنع للموقع الخاص بينا على الووردبريس
كيفية تطبيق الشرح من على الموبايل؟!
اهلا بك من جديد اول حاجه لو انت بتستخدم جهاز موبايل شاهد الموضوع ده
علشان تعرف ازاي تقدر تشتغل معايا وتطبق الشرح اللي بقدمه على الكمبيوتر
تثبيت اضافة wp reset
وهنبدأ الشرح بتاعنا عشان مطولش عليك
اولا بتروح علي لوحة تحكم الووردبريس وعلشان تقدر تدخل على لوحة التحكم دي
تسجيل دخول في الاستضافة وتحول نفسك عليها
او لو حافظ الدومين بتاعك ممكن تكتب بعده النص دا وتبحث عنه
ستظهر معك لوحة التحكم الخاصة بموقعك على الووردبريس
فتقوم بالبحث على تبويب اضافات او plugins لو باللغه الانجليزيه
ثم تضغط على أضف جديد او add new
سوف تظهر لك صفحة جديدة وتقوم بالبحث عن اضافة wp reset
ثم بعد ذلك تظهر لك الاضافة تقوم بالضغط على التنصيب الان ثم على التفعيل
او لو باللغه الانجليزيه تضغط على in install now ثم تضغط على activate
طريقة اخري لتثبيت اضافة wp reset
وإذا لم تظهر معك صفحه البحث عن الإضافة فيمكنك تنزيل الاضافة من هنا
ثم رفع الإضافة من خلال الضغط على رفع اضافه
عمل ضبط مصنع للموقع
ثم تقوم بالذهاب الى التبويب الأدوات والضغط على wp reset
تظهر معك صفحه خاصه بالاضافه ثم تقوم بالنزول الى اسفل الى اخر شيء
وتقوم باضافة كلمة reset ثم الضغط على reset site
ولمعرفة المزيد شاهد الفيديو
النهاية
وبكده تكون عرفت كيفية حذف وعمل اعادة ضبط مصنع لموقع الووردبريس الى اعداداته الأصلية بكل سهولة ممكنة
فلو حصل معاك اي مشكلة او كان عندك اي استفسار عن موضوع النهارده اكتب ده في التعليقات
وفي النهاية باشكرك يا غالي انك متابع معايا لحد دلوقتي
ماتنساش اللايك والشير الجميل منك
وانتظرني في الموضوع الجاي سلام
